Isco Alcoron nuk është njëri nga lojtarët e preferuar të trajnerit Zinedine Zidane.

Spanjolli ka cilësi të jashtëzakonshme, por në dy raste kur Zidane ka qenë në krye të bankës së Realit, ai nuk aktivizohet nga francezi.

28-vjeçari qëndroi në bankën rezervë edhe ndaj Barcelonës në El Clasico duke mos u aktivizuar fare.

Por gjatë pushimit të pjesëve, ai ishte duke biseduar me shokët e skuadrës si Marcelo, Luka Modric e Lucas Vasquez.

Reprezentuesi spanjoll ishte duke folur për Zidanen duke iu ankuar bashkëlojtarëve të tij se francezi nuk po i jep minuta.

Por në atë moment kamera kaloi rreth tij dhe biseda e Iscos me bashkëlojtarët është xhiruar e gjitha.

“Kur ai (i referohet trajnerit Zidane) më aktivizon në formacionin e parë, mezi pret të më nxjerrë dhe e bën këtë pas një pjese lojë ose në minutën e 50-të. Ndërsa kur jam në bankën rezervë më fut në fushë në minutën e 80-të”, tha Isco.

Por e ardhmja e tij duket shumë larg Santiago Bernabeut, pasi lojtari ka paralajmëruar largimin në janar nga klubi madrilen për shkak të hapësirave të pakta.

Isco këtë edicion ka luajtur në vetëm katër ndeshje për Realin, në dy nga 45 minuta, një tjetër 57 minuta dhe në takim ndaj Levantes luajti vetëm një minutë.