Sassuolo-Napoli ishte ndeshja më e bukur e javës së 25-të në Serie A. Takimi përfundoi në barazim 3-3, përballje ku u akorduan tre penallti: dy për vendasit dhe një për skuadrën e Gattusos.
Minutat e fundit ishin drithëruese. Lorenzo Insigng ktheu në gol një penallti në minutën e 89-të dhe kaloi Napolin në avantazh, por në minutën e pestë shtesë erdhi penalltia për Sassuolon, që gjeti golin e barazimit.
Një gjë e tillë ka acaruar keq kapitenin e Napolit. Goli i pësuar në sekondat e fundit nuk është pritur mirë nga sulmuesi Insigne. “Ç’është ky ekip m**i“, u shpreh ylli i Napolit, i cili hodhi një shishe dhe shkelmoi tabelat e sponsorëve në hyrje të dhomave të zhveshjes.
