AS Roma ka njoftuar se ka arritur marrëveshje me trajnerin portugez e njohur Jose Mourinho, shkruan VAR Kosova.

Roma përmes një komunikate për shtyp ka njoftuar se Mourinho ka nënshkruar kontratë me klubin deri në qershor të vitit 2024.

Roma do të jetë klubi i dytë italian të cilin do ta drejtojë pas Interit në vitin 2010, skuadër me të cilen fitoi tripletën.

Klubi romak sot gjatë ditës bëri të ditur se kanë ndërprerë bashkëpunimin me trajnerin portugez, Paulo Fonseca, por i cili do të qëndrojë deri në fund të këtij kampionati.

Roma renditet në pozitën e shtatë me 55 pikë pas 34 xhiro. Edhe katër xhiro kanë mbetur për t’u zhvilluar deri në fund, por që nuk ka shanse të kualifikohet në Ligën e Evropës apo Ligën e Kampionëve.

Ish kampioni italian të enjten do ta zhvillojë ndeshjen kthyese të gjysmëfinales së Ligës së Evropës kundër Manchester United, por thuajse është eliminuar pas rezultatit të ndeshjes së parë 6:2. /VAR Kosova/