Manchester Unitedi dhe Atletico Madridi zhvillojnë aktin e dytë të sfidës së 1/8 së finales të ligës së Kampionëve që zhvillohet në Old Trafford.

Takimi i parë i zhvilluar në Wanda Metropolitano u mbyll me rezultat të barabartë (1-1), ashtu që çerekfinalisti nga kjo dyshe do të vendoset në Teatrin e Ëndrrave.

Djajtë e Kuq e kanë përparësinë e tifozëve vendas, por pa vlerën e golit si mysafir, gjithçka do të nisë nga fillimi kur gjyqtari do të japë shenjë për të startuar ndeshja.

Trajnerët Ralf Rangnick dhe Diego Simeone i kanë përzgjedhur skuadrat që do të zbresin në fushë nga minuta e parë e kësaj sfide.

Formacioni startues i Manchester Unitedit: De Gea; Dalot, Maguire, Varane, Telles; Fred, McTominay; Elanga, Bruno Fernandes, Sancho; Cristiano Ronaldo.

Formacioni startues i Atletico Madridit: Oblak; Savic, Gimenez, Reinildo; Marcos Llorente, Hector Herrera, Koke, De Paul, Renan Lodi; Joao Felix, Griezmann.