Gjithçka e hapur në “Fadil Vokrri”, Ballkani dhe Bohemians mbyllin pjesën e parë me barazim

Serebe kaloi Ballkanin në epërsi, ndërsa James-Taylor barazoi nga penalltia për rezultatin 1:1.

Ballkani dhe Bohemians e kanë mbyllur pjesën e parë me rezultat 1:1 në stadiumin “Fadil Vokrri”, në ndeshjen e kthimit të raundit të dytë kualifikues të UEFA Conference League.

Skuadra nga Suhareka e nisi më mirë takimin dhe kaloi në epërsi në minutën e 10-të përmes Valentin Serebes. Megjithatë, mysafirët reaguan shpejt dhe Douglas James-Taylor e barazoi rezultatin nga penalltia në minutën e 20-të.

Me këtë rezultat, Bohemians kryeson 3:2 në rezultatin e përgjithshëm, pas fitores 2:1 në ndeshjen e parë në Dublin. Ballkanit i duhet të shënojë të paktën edhe një herë në pjesën e dytë për ta çuar përballjen në vazhdime.