Rrëfimi i Marino Bloudekut tejkalon tregimet e zakonshme sportive. Dikur futbollisti i talentuar nga Virovitica e Kroacisë, luante në turne për Dinamo Zagrebin dhe ishte ftuar në kampet e Arsenalit të Londrës, shkruan “index.hr”.
Por për shkak të një lëndimi të këmbës, Bloudeku u detyra të përfundoi karrierën në futboll. Me propozim të profesorit të Edukatës Fizike, kaloi në atletikë. Ka rreshtuar sukseset në sportin e ri, kurse të enjten mbrëma e fitoi medaljen e argjendtë në vrapim 800 metra. Koha e kroatit ishte 1 minutë, 45 sekonda e 63 të qindtat. Mark English i Irlandës e fitoi medaljen e artë me kohë 1 minutë, 45 sekonda e 26 të qindtat.
Bloudek së pari filloi të paraqitet në kros. Garën e parë e kishte në vitin 2010. Në vitin 2017 u bë kampion i Evropës për juniorë. Bloudek është pjesë e një familjeje futbollistësh, por po bënë emër në atletikë.
Kalimi nga juniorët te seniorët nuk ishte i lehtë për kroatin, si për shumë sportistë të tjerë. Distancën prej 800 metrave së pari për më pak se 1 minutë e 50 sekonda e vrapoi në vitin 2017. Por për rezultat të njëjtë është dashur të pres deri në vitin 2022. Shumë nuk e llogarisnin më, por ai nuk hoqi dorë.
Pasi ndryshoi disa trajnerë e disa klube, rezultatete filluan të vijnë. Tashmë i mban disa rekorde të Kroacisë, ndërsa medalja në Evropianin që po mbahet në Birmingham është bindshëm më e rëndësishmja në karrierë.
“Jam shumë i lumtur. Jam krenar për ekipin tim dhe të gjithë ata që kontribuan në këtë. E uroj Mark Englishin për të artën, por për mua kjo është medalje e artë”, ka thënë Bloudek.
Kroatët për herë të fundit medalje evropiane në 800 metra vrapim kishin fituar në vitin 1974.
