Ylli i Gjermanisë, Jamal Musiala, ka shkaktuar sërish shqetësim te Bayern Muncheni, pasi mesfushori me tipare sulmuese është rrëzuar në fushë gjatë miqësores ndaj Heidenheimit.
Bayerni të martën në ndeshjen e fundit miqësore para fillimit të edicionit të ri e mposhti Heidenheimin me rezultatin 4:2.
Në fitoren e Bayerni, gol realizoi futbollisti me prejardhje nga Kosova, Arijon Ibrahimoviq. Ibrahimoviq shënoi për 2:2 nga penalltia në minutën e 47-të. Luajti deri në minutën e 61-të.
Musiala në lojë u inkuadrua në minutën e 61-të, por pas tetë minutave, ai u detyrua të largohet nga fusha.
Ky ishte rasti i dytë në pak ditë që Musiala pësoi një episod të tillë.
23-vjeçari kishte kolapsuar në fushë edhe në miqësoren e kaluar të Bayernit ndaj RB Leipzigut.
Stafi mjekësor i Bayernit reagoi menjëherë, ndërsa lojtari arriti të largohej nga fusha në, edhe pse dukej i trullosur.
Jamal Musiala is far too talented to be put in situations that could jeopardize his health.
— MR MORALE 🇬🇭 (@niiamon66) August 18, 2026
After collapsing just days ago, he was brought back into the squad and went down again today.
Bayern doctors needs to be more careful with him🚨 https://t.co/UJBACNlLQl pic.twitter.com/DDDIuJGFAN
Drejtori sportiv i Bayernit flet për gjendjen e Musialas
Drejtori sportiv i Bayern Munchenit, Max Eberl, ka folur pas ndeshjes për gjendjen shëndetësore të Jamal Musialas, që kolapsoi sërish në fushë në përballjen ndaj Heidenheimit.
Eberl u pyet nga gazetarët për gjendjen e Musialas. Eberl nuk dha detaje konkrete, por theksoi se klubi është në dijeni të situatës.
“Jamal së shpejti do të prononcohet për këtë çështje. Ne e dinim dhe e dimë situatën dhe jemi të vetëdijshëm për të”, ka deklaruar Eberl.
23-vjeçari Musiala kishte kolapsuar në fushë edhe në miqësoren e kaluar të Bayernit ndaj RB Leipzigut.
