Arsenali e ka nisur edicionin me trofe të fituar.
Kampioni i Premier Leagues të dielën fitoi në ndeshjen për Superkupën e Anglisë. E mposhti bindshëm, 3:0, Manchester Cityn, fituesit të Kupës FA.
“Topçinjtë” e dominuan ndeshjen e zhvilluar në “Principality Stadium” të Cardiffit dhe shtuan një tjetër trofe në koleksion.
Golat në “Community Shield” i shënuan Ricardo Calafiori dhe Kai Havertz në pjesën e parë. Calafiori realizoi pas 23 sekondash lojë, ndërsa Havertzi në minutën e 28-të.
Golin për 3:0 e realizoi kapiteni Martin Odegaard, tre minuta pasi nisi pjesa e dytë.
Manchester City për herë të parë në ndeshje zyrtare u udhëhoq nga tekniku italian, Enzo Maresca. Maresca në postin e trajnerit e zëvendësoi Pep Guardiolan, i cili u largua nga City me 20 trofe të fituar në dhjetë vjet.
Për Arsenalin e trajnerit Mikel Arteta ishte trofeu i 14-të i Superkupës angleze.
