Major League Soccer (MLS) ka njoftuar se po heton pretendimet per nderhyrje te palejuar nga Inter Miami, pasi klubi nenshkroi me mesfushorin brazilian Casemiro.
Te merkuren, Miami njoftoi se kishte nenshkruar me 34-vjecarin, i cili u largua nga Manchester United ne fund te sezonit te kaluar, me nje kontrate qe zgjat deri ne fund te sezonit 2027 te MLS-se, me mundesi vazhdimi deri ne qershor 2029.
Megjithate, vetem pak caste me vone, MLS publikoi nje deklarate ne te cilen njoftonte se po “shqyrtonte nje pretendim per nderhyrje te palejuar” ndaj klubit.
“Liga po mbledh te gjitha informacionet perkatese dhe nuk do te beje komente te tjera deri ne perfundimin e shqyrtimit”, thuhej me tej ne deklarate.
“Megjithese Inter Miami CF dhe LA Galaxy kane arritur nje marreveshje per prioritetin e zbulimit, perkatesisht te drejten e pare per te nenshkruar me Casemiron, kushtet e marreveshjes do te publikohen pas perfundimit te hetimit per nderhyrje te palejuar.”
Hetimi lidhet me te drejtat e zbulimit per Casemiron, nje rregullore e MLS-se qe i jep nje klubi te caktuar te drejten e pare per te nenshkruar me nje lojtar, ne rast se ai deshiron t’i bashkohet liges.
Nje klub mund te kete deri ne pese lojtare ne listen e tij te zbulimit ne çdo kohe dhe mund te shtoje ose te heqe lojtare nga kjo liste.
Los Angeles Galaxy zotëronte te drejtat e zbulimit per Casemiron, por gjate njoftimit per nenshkrimin e lojtarit, Inter Miami deklaroi se i kishte siguruar keto te drejta nga Galaxy.
LA Galaxy deklaroi:
“LA Galaxy dhe Inter Miami CF kane arritur nje marreveshje per prioritetin e zbulimit per nenshkrimin me Casemiron, ndersa kushtet e marreveshjes do te publikohen pas perfundimit te hetimit per nderhyrje te palejuar, i cili aktualisht eshte i hapur nga Major League Soccer.”
Casemiro njoftoi ne janar se do te largohej nga Old Trafford ne fund te sezonit 2026-2027, pas nje vendimi te perbashket per te mos e vazhduar kontraten e tij.
Ai fitoi pese tituj te Liges se Kampioneve me Real Madridin perpara se t’i bashkohej Manchester Unitedit ne vitin 2022. Ai gjithashtu luajti per Brazilin, i cili arriti ne fazen e 1/8 se finales ne Kupen e Botes te zhvilluar kete vere.
“Ajo qe me motivon me se shumti, dhe mendoj se kjo vlen per çdo lojtar, eshte te fitoj dhe te vazhdoj te permiresohem”, deklaroi ai.
Casemiro zhvilloi 160 paraqitje per Manchester Unitedin, duke shenuar 26 gola dhe duke dhene 14 asistime. Me klubin ai fitoi nje Kupe te Liges Angleze dhe nje Kupe FA.
Pas largimit te Casemiros, Manchester United i ka dhene perparesi perforcimit te mesfushes gjate ketij afati kalimtar, duke blere Andrey Santosin nga Chelsea per 50 milione funte dhe Youri Tielemansin nga Aston Villa per 35 milione funte.
Perpara njoftimit per hetimin, bashkepronari i Inter Miamit, Sir David Beckham, deklaroi per Casemiron:
“Ai eshte nje fitues, i cili ka arritur shume ne futboll. Pas nje karriere kaq te jashtezakonshme me Real Madridin dhe Manchester Unitedin, jam shume i lumtur qe ka vendosur ta beje Miamin shtepine e tij te ardhshme.”
Ne Miami, Casemiro pritet t’i bashkohet ish-bashkelojtarit te tij te Real Madridit dhe Manchester Unitedit, Sergio Reguilon, si dhe finalisteve argjentinas te Kupes se Botes, Lionel Messi dhe Rodrigo de Paul.
Kjo nuk eshte hera e pare qe Inter Miami hetohet per marreveshjet e transferimeve.
Ne vitin 2021, klubi u gjobit me dy milione dollare pasi kishte shkelur rregullat e MLS-se gjate nenshkrimit me mesfushorin francez Blaise Matuidi nga Juventusi nje vit me pare.
MLS deklaroi se Matuidi ishte paguar me shume nga sa lejohej, duke bere qe ekipi, ne praktike, te kishte kater “lojtare te percaktuar” gjate sezonit te kaluar, ne vend te tre lojtareve te lejuar. Pagat e lojtareve te percaktuar nuk llogariten ne kufirin e pagave te MLS-se.
Ky rregull, i njohur si “rregulli Beckham”, u prezantua kur ish-kapiteni i Anglise iu bashkua Los Angeles Galaxy ne vitin 2007.
