Trajneri Jose Mourinho ka qenë shumë i përkushtuar pas kthimit si trajner për herë të dytë te Real Madridi.
Mourinho u emërua trajner nga presidenti Florentino Perez, për ta ndalur dominimin e Barcelonës, kampione e dy edicioneve të fundit.
Përkushtimi i teknikut portugez është aq i madh, sa që ai fle edhe në qendrën stërvitore të klubit madrilen.
“The Athletic” ka shkruar të shtunën se portugezi ndihet se ka staf dhe skuadër të shkëlqyer dhe ka fjetur disa herë në qendrën stërvitore.
Këtë gjë e ka bërë pasi dëshiron që të jetë plotësisht i sigurt se i ka dedikuar mjaftueshëm kohë çdo detyre që ai dëshiron të jetë e kompletuar.
Një gjë të tillë e kishte bërë edhe kur ishte trajner i Real Madridit për herën e parë.
