Belgjika ka regjistruar një fitore të thellë 5 me 1 ndaj Zelandës së Re, me nje dominim total.
Leandro Trossard hapi serinë e golave në minutën e 28-të pas një goditjeje nga këndi, ndërsa në pjesën e dytë belgët e rritën edhe më shumë ritmin.
Trossard dyfishoi avantazhin në minutën e 50-të, përpara se Kevin De Bruyne të realizonte golin e tretë në minutën e 66-të me një goditje të saktë nga jashtë zonës.
Romelu Lukaku shënoi të katërtin në minutën e 86-të me kokë, ndërsa Alexis Saelemaekers vulosi rezultatin në minutën e 90+4.
Zelanda e Re arriti të shënojë golin e nderit në minutën e 84-të me Elijah Just, pas një goditjeje nga këndi, por pa mundur të ndryshojë rrjedhën e ndeshjes.
Në fund, Belgjika e mbylli ndeshjen me një fitore bindëse 5 me 1.
