Tifozët e Manchester United tentuan ta ndërprisnin ndeshjen e së martës kundër Romës, duke hedhur topa tenisi nga tribuna Stretford End.
Protesta e paralajmëruar në rrjetet sociale shkaktoi vetëm një vonesë të shkurtër, pasi u hodhën pak topa dhe lojtarët i larguan shpejt nga fusha.
Aksioni ishte planifikuar për minutën e 21-të, si simbolikë për 21 vjetët e familjes Glazer në pronësi të klubit.
Pronarët amerikanë janë përballur vazhdimisht me kundërshtimin e tifozëve që nga blerja e Manchester United në vitin 2005.
Kritika ka pasur edhe ndaj aksionarit minoritar Jim Ratcliffe, për shkak të problemeve me rezultatet dhe rritjes së çmimeve të biletave.
Pronari i INEOS-it bleu fillimisht 25 për qind të aksioneve për 1.3 miliard dollarë në vitin 2024 dhe mori kontrollin e operacioneve të futbollit.
United hyri në këtë takim pas nëntë ndeshjeve pa fitore.
Matias Soule kaloi Romën në epërsi në minutën e 11-të, ndërsa Donyell Malen shënoi nga penalltia shtatë minuta më vonë për rezultatin 2:0.
Burimi: Fox Sports
