Manchester United dhe Aston Villa kanë dhuruar një spektakël të jashtëzakonshëm futbollistik, me tetë gola, emocione të shumta dhe një fund dramatik. Kur gjithçka dukej se po përfundonte me fitoren e Aston Villas, Patrick Dorgu realizoi golin e barazimit në minutën e 90+6-të, duke shpëtuar Manchester United nga humbja.
Aston Villa e nisi furishëm takimin dhe kaloi në epërsi që në minutën e dytë, kur Alysson Edward shënoi, pas asistimit të John McGinn.
Vetëm dy minuta më vonë, Nicolas Jackson e dyfishoi epërsinë për mysafirët, duke përfituar nga një top i kthyer në zonën e rreptësisë.
Manchester United reagoi në minutën e 16-të. Bruno Fernandes u tregua i saktë nga pika e bardhë, duke ngushtuar rezultatin në 1:2. Penalltia u konfirmua edhe pas rishikimit të situatës nga VAR-i.
Në minutën e 44-të, Youri Tielemans barazoi rezultatin në 2:2, pas asistimit të Noussair Mazraoui. Goli u kontrollua nga VAR-i, por arbitri vendosi se ishte i rregullt.
Pjesa e dytë nisi me një tjetër moment vendimtar. Në minutën e 48-të, John McGinn shënoi nga penalltia, duke rikthyer Aston Villan në epërsi, 2:3. Penalltia ishte shkaktuar nga Diogo Dalot, i cili kishte penguar Alysson Edward.
Në minutën e 53-të, Leon Goretzka realizoi golin e katërt për Aston Villan, pas asistimit të Nicolas Jackson, duke e çuar rezultatin në 2:4.
Megjithatë, Manchester United nuk u dorëzua. Në minutën e 90+2-të, Joshua Zirkzee dërgoi topi në rrjetë, pas një krosimi të Patrick Dorgu, duke ngushtuar rezultatin në 3:4.
Por drama e vërtetë erdhi në minutat e fundit të kohës shtesë.
Në minutën e 90+6-të, Patrick Dorgu u shfaq në vendin e duhur, dhe pas një goditje nga këndi të ekzekutuar nga Bruno Fernandes, goditi topin me kokë dhe e dërgoi në rrjetë për rezultatin 4:4.
Një gabim i portierit Zion Suzuki në ndërhyrjen ndaj topit i dha mundësinë Manchester Unitedit të realizonte golin e barazimit.
Goli shkaktoi festë të madhe te vendasit, ndërsa portieri i Aston Villas, Zion Suzuki, u ndëshkua me karton të verdhë për protesta ndaj vendimit të arbitrit.
Manchester United pati edhe mundësi të tjera në minutat e fundit, por rezultati nuk ndryshoi.
Kështu, një ndeshje që Aston Villa dukej se e kishte nën kontroll përfundoi me barazimin dramatik 4:4.
