Federata e Futbollit e Kosovës (FFK), ka njoftuar se biletat për ndeshjen Kosovë –Irlandë, në kuadër të edicionit të ri të Ligës së Kombeve - Liga B, e cila zhvillohet më datë 24 shtator 2026 në orën 20:45, në stadiumin “Fadil Vokrri”, kanë dalë në shitje.
Sipas FFK-së, biletat mund t’i blini në linkun e mëposhtëm:
https://eu.ebileta.al/biglietteria/listaEventiPub.do
Federata bën të ditur se çmimet e biletave nisin nga 20 euro deri në 150 euro për bileta VIP
„Çmimet e biletave janë si në vijim: Veri dhe Jug 20 euro, Lindje 30 euro, Perëndim 50 euro, VIP 150 euro.“, thuhet në njoftim.
FFK njofton për procedurat se si të blihet bileta online.
“VINI RE!
Procedura se si blihet bileta online:
Fillimisht ju duhet të regjistroheni në platformë.
Mandej zgjidhni tribunën e stadiumit dhe më pas e selektoni ulësen e preferuar.
Pasi t’i zgjidhni biletat, vazhdoni me pagesën online.
Pasi të përfundon blerja online, ju duhet të pritni deri të gjenerohet bileta si dhe fatura juaj.
Biletën do ta pranoni gjithashtu në email (kontrolloni edhe folderin SPAM gjithashtu).
Bileta patjetër duhet të jetë e printuar në formatin A4, printimi duhet të jetë i kualitetit të lartë.
Biletat janë të personalizuara (Në stadium mund të hyjë vetëm një person me një biletë pa marrë parasysh moshën).
Shënim: Personat që rastësisht pas blerjes së biletës nuk e marrin atë nëpërmjet emailit, atëherë atë mund ta gjejnë përmes kodit në linkun e mëposhtëm: https://eu.ebileta.al/biglietteria/trans/restore.do”
