Mesfushori i Bournemouthit, Alex Scott, është detyruar të largohet nga grumbullimi i Përfaqësueses së Anglisë pas një lëndimi të pësuar në ndeshjen ndaj Kroacisë.
Scott luajti në fitoren e thellë, 7:0, të Anglisë ndaj Kroacisë, por pas ndeshjes ka ndier shqetësime fizike.
Ai është larguar nga grumbullimi dhe është kthyer te Bournemouthi, ku do t’u nënshtrohet ekzaminimeve të mëtejshme mjekësore.
Sipas raportimeve të mediumeve angleze, mesfushori mund të mungojë prej gjashtë deri në tetë javë.
23-vjeçari ka fituar hapësirë tek Anglia dhe ka lënë përshtypje pozitive.
Selektori i Anglisë, Thomas Tuchel, vlerëson se Scott mund të konkurrojë për një vend në mesfushë me Declan Rice.
Nga grumbullimi i Anglisë për shkak të lëndimit është larguar edhe mbrojtësi i Arsenalit, Ezri Konsa.
Anglia të martën nga ora 20:45 e pret Çekinë në ndeshjen e xhiros së katërt të Grupit A3 të Ligës së Kombeve.
