Selektori i Përfaqësueses së Holandës, Xavi Hernandez, është shprehur i kënaqur me paraqitjet e skuadrës në katër ndeshjet e para nën drejtimin e tij, ndonëse ka theksuar se ende ka hapësirë për përmirësim.
Holanda ka regjistruar dy fitore dhe dy barazime në katër ndeshjet e para me Xavin.
Spanjolli Xavi ka vlerësuar veçanërisht reagimin e lojtarëve në ndeshjen e fundit ndaj Serbisë, ku Holanda fitoi 2:1.
Megjithatë, prej shqetësimeve kryesore mbetet mbrojtja.
Holanda ka pranuar gol në 12 ndeshje radhazi, ndërsa Xavi ka bërë të ditur se synimi është që skuadra të përmirësohet në fazën defensive.
“Po ndërtojmë një familje. Tashmë e dimë se si t’i dominojmë ndeshjet në mënyra të ndryshme. Por gjithashtu dimë se si të mbrohemi në momente të caktuara. Gjëja më e rëndësishme është të shënojmë një gol më shumë se kundërshtari, por duam edhe ta mbyllim ndeshjen pa pësuar. Për këtë duhet kohë”, ka thënë Xavi.
