Ylli i Kombëtares së Kosovës, Milot Rashica ka pësuar një dëmtim gjatë stërvitjes së djeshme.
Vetëm pak javë pas rikthimit në fusha të blerta, anësori 24 vjeçar i Werder Bremenit ka pësuar një lëndim gjatë stërvitjes së zhvilluar ditën e djeshme.
Ai u detyrua të largohej nga stërvitja teksa sot janë bërë publike detajet e lëndimit.
Sipas njoftimit të Werder Bremenit, Rashica ka pësuar një lëndim në tendinë të kofshës.
Ka një frikë që Milot Rashica nuk do të luajë më në vitin 2020, me rikthimin e tij që pritet në fund të muajit janar.
Kujtojmë që Rashica kishte munguar edhe në katër sfidat e para të Werder Bremenit në Bundesligë, si dhe në ndeshjet e muajit tetor dhe nëntor që Kosova i zhvilloi në kuadër të Ligës së Kombeve
