Legjenda italiane e futbollit, Christian Vieri ka folur për mesfushorin francez të Manchester United, Paul Pogba, transmeton VAR Kosova.
Pogba, i cili kohëve të fundit është folur shumë për një kalim në Juventus, pritet të largohet nga Manchester United në muajin e ardhshëm.
Ishte vetë agjenti i lojtarit, Mino Raiola, i cili u shpreh se “koha e Pogbas në Manchester United kishte përfunduar”.
Pogba u largua nga Juventusi për 93 milionë funta, por një çmim i tillë i tingëllon shumë i lartë ish sulmuesit të Interit.
“Nuk mendoj se ja vlen të blihet Pogba për 80 apo 100 milionë euro. Nëse bëhet fjalë për 40 apo 50 milionë euro, po, por më shumë jo” u shpreh ai.
Paul Pogba ka kontratë me Manchester United deri në vitin 2022, por 27 vjeçari pritet të largohet nga “Old Trafford” shumë shpejt.
