Kampioni i Gjermanisë dhe Evropës, FC Bayern Munich është eliminuar nga Kupa e Gjermanisë, për herë të parë që nga viti 2004 nga një kundërshtar që garon në rangje më të ulëta se Bayerni.
Pas përfundimit të ndeshjes, futbollistët dhe stafi i Kiel kanë pushtuar fushën duke festuar në mënyrë të papërmbajtshme.
Këto pamje janë të rralla, pasi vështirë të përsëritet një tjetër lëshim i tillë nga kampioni i shumëfishtë gjerman.
Bayern Munich është eliminuar në DFB Pokal, nga Kiel, ekip ky i kategorisë së dytë gjermane.
Ndeshja në kohë të rregullt përfundoi me shifrat 2-2, ndërsa fituesi erdhi pas gjuajtjes së penalltive.
Ishte mesfushori spanjoll Marc Roca, ai i cili dështoi duke i dhuruar Kiel kalimin në raundin tjetër. / VAR Kosova/
