Adnan Januzaj mund t’i bashkohet skuadrës holandeze, PSV Eindhoven. Mediumet holandeze të dielën kanë bërë të ditur se PSV-ja kërkon huazimin e mesfushorit nga skuadra spanjolle, Sevilla.
Januzaj ka kërkuar largimin prej klubit elitar të Spanjës për shkak të hapësirës së vogël. Ai ka luajtur vetëm 125 minuta në gjashtë ndeshje në të gjitha garat e sezonit aktual.
27-vjeçari iu bashkua Sevillas në verën e vitit të kaluar nga Sociedadi, ndërsa ka kontratë deri në qershor të vitit 2026.
