Futbollisti Besnik Krasniqi arrin kuotën e 50 golave me FC Dritën

Futbollisti Besnik Krasniqi ka arritur shifrën e 50 golave me fanellën e FC Dritës, duke u renditur i dyti në listën e golashënuesve më të mirë në historinë e klubit gjilanas, thuhet ne njoftimin e klubit ne rrjetin social facebook.

Sipas njoftimit, para tij në këtë renditje qëndron Xhevdet Shabani, i cili ka realizuar 66 gola.

Njoftimin plotë të FC Drita:

“BESNIK KRASNIQI 50 GOLA ME NE

Besnik Krasniqi ka arritur shifrën e 50 golave me fanellën bardhekaltër, duke u bërë golashënuesi i dytë më i mirë në historinë e klubit, pas legjendës Xhevdet Shabani, i cili ka shënuar 66 gola.”