Mbrojtësi Chris Smalling, i cili u huazua te Roma, ka shkëlqyer me paraqitjet e tij në Serie A.

Ai është bërë mbrojtësi kryesor i Romës dhe një ndër mbrojtësit më të mirë në ligë.

Por historia e tij me klubin kryeqytetas do të përfundojë shumë shpejt. Anglezi do të kthehet në Manchester United.

Këtë e ka konfirmuar trajneri Ole Gunnar Solskjaer.

“Chris Smalling rikthehet te Manchester United pas përfundimit të këtij edicioni”, ka thënë norvegjezi.

Smalling do të jetë titullar edhe sonte në ndeshjen që Roma e luan kundër Inter.