Lionel Messi ka fituar gjithçka me Barcelonën, por jo edhe me Argjentinën.
Me skuadrën kombëtare, Messi nuk ka pasur fat, e shpesh herë edhe nuk ka treguar lojë të mirë.
Messi u largua nga Kombëtarja e Argjentinës, pas përfundimit të Kupës së Botës 2018. Për tu kthyer përsëri për të ndihmuar vendin e tij në Kupën e Amerikës.
Por gjashtë herë fituesi i Topit të Artë, vazhdimisht është kritikuar në Argjentinë për lojën e tij.
Kritikat nuk i kanë pëlqyer fare bashkëvendesit dhe shokut të tij, Sergio Aguero.
Sulmuesi i Manchester Cityt, ka thënë se Messi është ai që vuan më shumë se të tjerët që nuk ka fituar ndonjë titull me Argjentinën.
“Unë nuk i kuptoj ata që e kritikojnë Messin në ekipin kombëtar. Ai vuan më shumë se të tjerët dhe prapë vazhdon të vijë të luajë për Argjentinën”, ka thënë Aguero.
