Ish-mbrojtësi i Bayern Munich, Medhi Benatia ka vënë në dyshim aftësitë e manaxhimit të Pep Guardiolas.
Sipas tij, Juventusi nuk ka nevojë të joshet nga katalanasi që pritet të largohet nga Manchester City.
Duke shijuar sukses të konsiderueshëm në Spanjë, Gjermani dhe Angli, shumë e konsiderojnë ish-trajnerin e Barcelonës Guardiola si një nga mendjet më të mira taktike të të gjitha kohërave.
“Ai është taktikisht trajneri më i mirë në botë, unë nuk e shoh askënd më të mirë se ai. Por nuk më pëlqeu shumë sa i përket marrëdhënies me lojtarët, nga kjo pikëpamje ai nuk më bëri përshtypje” ka thënë Benatia.
