Mbrojtësi i Watfordit, Adrian Mariappa, ka thënë se është një nga tre personat që rezultuan pozitiv për koronavirus në klub.
Të martën, u njoftua se kishte pasur gjashtë raste pozitive në tre klube të Premier League.
Dy anëtarë stafi në Watford dhe ndihmës-trajneri i Burnley, Ian Woan gjithashtu dolën pozitivë, ndërsa emrat e dy të tjerëve në një klub të tretë nuk janë zbuluar ende.
“Ishte befasi e madhe për mua, sepse nuk kam dalë fare nga shtëpia” tha Adrian Mariappa pasi rezultoi pozitiv me COVID-19.
