Derisa Barcelona nuk e dëshiron më në radhët e veta brazilianin Philippe Coutinho, shumë klube të tjera janë në kërkim të tij.
The Mirror shkruan se agjenti i brazilianit është duke tentuar të arrijë një marrëveshje me Arsenalin.
Agjenti Kia Joorabchian, synon ta bëjë këtë pasi që ka raporte shumë të mira me drejtuesit e klubit në Emirates Stadium.
Coutinho edhe më herët ishte në Premier League, sa ishte pjesë e Liverpoolit deri në vitin 2018.
Atë vit, ai u transferua te Barcelona, por nuk gjeti hapësirën e mjaftueshme dhe u huazua te Bayern Munich.
Përkundër formës së mirë të treguar në Bundesligë, bavarezët e humbën shansin që të nënshkruajnë me të.
Philippe Coutinho tash është në kërkim të një skuadre të re dhe ende nuk dihet se fanelën e cilit klub do ta veshë.
