Chelsea ka mposhtur mbrëmë me rezultat 2-1 Manchester Cityn në Stamford Bridge.
Ky rezultat bëri që Liverpooli të shpallet kampion qysh mbrëmë, ende pa përfunduar ky sezon i Premier League.
Por gjithsesi nuk është Liverpooli ekipi më i mirë në Angli.
Kështu ka thënë trajneri i Chelseat Frank Lampard, duke shtuar se Jurgen Klopp dhe Pep Guardiola kanë “klas të ndryshëm”.
“Ishte e vështirë për ne. Kur e ke përpara një ekip të tillë si Manchester City, me një cilësi të madhe, në aspektin individual dhe ekipor, në mënyrën se si ata udhëhiqen, për mua, ky është ekipi më i mirë. Në aspektin se si luajnë, është një gjë e bukur dhe e madhe t’i shikosh”, ka thën Lampard për BT Sport.
