Mesfushori kroat Luka Modriç, ka folur për të ardhmen e yllit francez, Kylian Mbappe.
Fituesi i Topit të Artë ka thënë se Mbappe duhet të largohet nga Paris Saint-Germainit për të arritur potencialin e dominimit të tij.
Modriç ka lënë të kuptohet se dëshiron të luajë së bashku me francezin te Real Madrid.
“Mbappe ka gjithçka për ta dominuar skenën. Por, unë mendoj që për ta bërë kapërcimin në kualitet ai duhet të shkojë në një kampionat ku ekipi i tij nuk fiton kaq lehtë”, ka thënë Modriç.
Mbappe është lidhur vazhdimisht me një kalim të mundshëm në Real Madrid gjatë kohëve të fundit.
Mirëpo drejtori sportiv i klubit parisien, Leonardo, ka thënë se Mbappe nuk do të largohet dhe se ai është e ardhmja e skuadrës.
