Trajneri i Manchester Unitedit, Ole Gunnar Solskjaer, thotë se ai do të tentojë të mos blejë “mollë të kalbura” gjatë afatit kalimtar, por do të tentojë të gjejë lojtarë që e reflektojnë edhe personalitetin e tij.
Manchester Unitedi vazhdon të spekulohet për transferimin e disa lojtarëve këtë verë. Solskjaer ka bërë të ditur se cilido lojtar që transferohet në “Teatrin e Ëndrrave” do të duhet të përshtatet me filozofinë e klubit.
“Për mua është me rëndësi ta ndërtojmë një skuadër që i reflekton pikëpamjet dhe personalitetet e stafit tim të trajnerëve dhe meje. Natyrisht kemi disa standarde sepse ne duam të fitojmë. Ne po punojmë për të fituar” ka thënë norvegjezi.
