Mesfushori i Barcelonës Arturo Vidal, ka folur për futbollistin e Real Madridit, James Rodriguez.
Ky i fundit nuk po ka vend në formacion të trajnerit francez, Zinedine Zidane.
Pikërisht për këtë ka folur edhe ish-bashkëlojtari i tij, Vidal.
“James dhe unë jemi vëllezër. Forcuam miqësinë tonë shumë në Munich”, tha Vidal për Win Sports.
“Në flasim vazhdimisht, në pushime shkojmë bashkë dhe ai ka folur për problemet që ka me trajnerin. James është një lojtar i nivelit të lartë dhe duhet të jetë titullar në ekipin e tij. Nuk e di pse nuk ia dhanë një shans këtë vit”, ka thënë kiliani.
“Shpresoj që ai të merr një vendim dhe të fillojë të luajë. Ai duhet të kërkojë të ardhmen dhe të gjejë një vend për të luajtur dhe të shijojë futbollin”, ka thënë Vidal.
