Barazimi 1-1 në stadiumin San Paolo, i dha Napolit një shpresë për ndeshjen e dytë kundër Barcelonës.
Megjithatë, mbrëmë nuk arritën të mbroheshin dhe pësuan 3 gola dhe shënuan 1 dhe u eliminuan me rezultat të përgjithshëm 4-2.
Pas ndeshjes trajneri italian Gennaro Gattuso ka komentuar ndeshjen dhe gabimet e lojtarëve të tij.
“Është për keqardhje sepse pranuam tre gola qesharak dhe bëmë disa gabime shumë serioze në periudhën kur pranuam golat”, tha Gattuso për Sky Sport Italia.
“Pashë një ekip që gjithashtu e vuri Barcelona nën presion të madh. Ne duhet të kishim shënuar dy gola herët, por përkundrazi i pranuam. Më zemëron kur pranojmë gol. Dua të çmendem. Ne kemi disa lojtarë të fortë dhe të talentuar, por duhet të punojmë shumë sa i përket mentalitetit, sepse nuk është aq i mire”, tha Gattuso.
“Nëse i shikoni statistikat, ne e mbizotëruam ndeshjen. Ne patëm dyfishin e goditjeve të tyre në gol, kishim më shumë posedim, depërtuam shumë lehtë në mbrojtjen e tyre. Pak më shumë vendosmëri dhe një mentalitet më të fortë dhe ne mund të kishim bërë vërtet dëm këtu”, tha Rino./VAR Kosova/
