Kapiteni i Barcelonës dhe futbollisti më i mirë në botë, Lionel Messi përveç që është lider i pakontestueshëm në fushë, së fundi ai e ka treguar vetën edhe në zhveshtore.
Barcelona arriti të kaloj në fazën tjetër të Ligës së Kampionëve pasi mposhtët Napolin me rezultat të përgjithshëm 4:2.
Gazeta sportive spanjolle “Marca” ka publikuar një video nga tuneli i stadiumit, ku lojtarët po bëheshin gati të dilnin në fushë për pjesën e dytë, ku dëgjohet Messi duke iu dhënë kurajo bashkëlojtarëve të tij.
“Le të mos jemi budallenj këtu. Kemi një avantazh me dy gola, të qëndrojmë të qetë tani. Të luajmë me qetësi”, dëgjohet duke thënë futbollisti argjentinas.
