Ylli i Kosovës Milot Rashica, është përmendur shumë nga mediat ndërkombëtare në këtë afat kalimtar.
Ai është lidhur me shumë skuadra. Njëra prej tyre është edhe skuadra angleze Aston Villa, shkruan “Birmingham Live”.
Rashica realizoi 8 gola në 28 paraqitje në Bundesligë në edicionin e kaluar.
Kosovari ka tërhequr vëmendjen e shumë klubeve, derisa raportohet se Aston Villa është duke udhëhequr garën.
Në Gjermani, thuhet se Leipzigu dhe Borussia Dortmundi janë duke vëzhguar situatën e ish-sulmuesit të Kosovës së Vushtrrisë.
Drejtori sportiv i Bremenit, Frank Baumann ka konfirmuar së fundmi se Rashica ka arritur marrëveshje me një klub.
Por, ka shtuar se ai klub duhet të arrijë marrëveshje edhe me Bremenin, gjë e cila nuk ka ndodhur ende.
