Mbrojtësi i Real Madridit, Sergio Ramos, këtë sezon ka treguar formë të mirë, ndonëse është 34-vjeçar.
Por sipas ish-shokut të tij të skuadrës, Rafael van der Vaart, kapiteni madrilen mund të luajë deri në moshën 40-vjeçare.
“Për mua, ai është mbrojtësi më i mirë në botë”, tha Van der Vaart për Stats Perform News.
“Kur isha në Real, ai ishte 21-vjeç dhe unë 22 dhe shpërthente nga energjia. Dëshironte të ishte kudo. Goditje të lira, kudo”, tha holandezi.
“E shikoja sivjet duke luajtur dhe mendova: sa vjeçar është ai? 34? Besoj që ai do të mund të luajë edhe gjashtë vjet të tjera. Kam shumë respekt për të”, tha Van der Vaart.
