Milot Rashica edhe pse ishte i gatshëm për ndeshje, qëndroi vetëm rezervist në barazimin e Werder Bremenit kundër Hoffenheimit.
Milot Rashica ishte i ftuar për këtë ndeshje dhe i gatshëm të luante.
Por, trajneri Florian Kohfelt nuk i dha asnjë minutë sot yllit të Kosovës.
Ndryshe, lëndimi i Rashicës në muajin shtator në ndeshjen kundër Moldavisë i ka shkaktuar atij shumë probleme te Werder Bremeni në këtë fillim edicioni.
Të dyja skuadrat u përballën sonte në kuadër të javës së pestë në Bundesligën gjermane.
Ndeshja e luajtur në “Weserstadion” u mbyll me rezultat 1:1.
