Përfaqësuesja e Kosovës po favorizohet dhe përkrahet maksimalisht nga qytetarët shqiptar në Maqedoninë e Veriut dhe këtë e ka treguar një anketë e bërë në qytetin e Shkupit.
Mediumi shqiptar nga Maqedonia e Veriut Lajm TV ka bërë sot një anketë në rrugët e Shkupit, në lidhje me ndeshjen e Kosovës me Maqedoninë e Veriut.
Pyetet e mediumit në këtë anketë kishin të bënë me fituesin e ndeshjes gjysmëfinale të “Play-Offit” në kuadër të Ligës së Kombeve.
Përgjigjet nga thuajse të gjithë qytetarët kanë treguar se sonte do jenë përkrahës të Kosovës dhe presin një fitore të Dardanëve.
Të gjithë qytetarët e anketuar, të cilët u përkasin moshave të ndryshme shprehen në favor të fitores së Kosovës, teksa parashikonin fitoren 2-1, ndërsa disa të tjerë fitore me dy gola avantazh.
Ndryshe, ndeshja do të zhvillohet në ‘Tose Proeski’ me fillim nga ora 20:45.
