Emri i Cristiano Ronaldos nuk u shkrua në listën e golashënuesve të Portugalisë, në fitoren 2-3 në Split të Kroacisë.
Vendasit ishin me një lojtar më pak që nga minuta e 59-të, kur Marco Rog u ndëshkua me kartonin e dytë të verdhë.
Golin e parë në ndeshje e shënoi Mateo Kovaçiq, në minutën e 29-të.
Portugezët barazuan me anë të mbrojtësit të Manchester Cityt, Ruben Dias, në minutën e 52-të.
Tetë minuta më vonë, Joao Felix, kaloi në epërsi mysafirët.
Por Kovaçiq barazoi rezultatin vetëm pesë minuta më vonë.
Mbrojtësi i Cityt, Ruben Dias, me golin e dytë personal në këtë ndeshje, shënoi për fitoren e Portugalisë në minutën e fundit të kohës së rregullt./VAR Kosova/
