Milani ka shprehur interesim për shërbimet sulmuesit të Crystal Palace, Wilfried Zaha – bën të ditur The Sun.
Rossonerët janë në krye të tabelës së Serie A, me një pikë më shumë se përcjellësi i parë, Inter dhe shpresojnë të qëndrojnë aty.
Në përpjekje për ta fituar Scudetton e parë që nga sezoni 2010/2011, Milani do të ketë nevojë për përforcimin e skuadrës në gjysmën e dytë të sezonit.
Zaha, i cili i ka shënuar tetë gola dhe ka dhuruar dy asistime deri më tani këtë edicion në Ligën Premier, konsiderohet si përforcim ideal për sulmin në afatin kalimtar të janarit.
28-vjeçari është lidhur vazhdimisht me një largim nga Selhurst Park në afatet e fundit kalimtare, ndërsa edhe Arsenali është interesuar për shërbimet e tij.
