Trajneri Nevil Dede e ka braktisur Tiranën 15 minuta para startit të sfidës ndaj Laçit.
Menjëherë sapo u mësuan formacionet zyrtare, presidenti i Tiranës, Refik Halili, ka pasur një takim kokë më kokë me trajnerin Dede, në zyrën e numrit 1 të bardhebluve.
Pas takimit, Dede ka vendosur të largohet.
Mësohet se arsyeja e këtij largimi ka qenë aktivizimi i Kukës si titullar. Pas largimit të Dedes, Kuka është hequr nga formacioni, ndërkohë në vend të tij është futur Danso.
“Panorama Sport” ka siguruar edhe vidon kur trajneri i kampionëve në fuqi merr makinën nga parkingu edhe largohet.
Një largim enigmatik, që pritet të zbardhet në ditët në vijim. Nuk dihet nëse palët kanë shkëputur përfundimisht bashkëpunimin ditën e sotme, apo gjakrat do të ulen disi në ditët në vijim.
