Lazio ka arritur të triumfoj në shtëpi me përmbysje të rezultatit ndaj Sassuolos.
Kryeqytetasit shënuan fitore me rezultat të ngushtë 2:1 ndaj Sassuolos, në takimin e vlefshëm për javën e 19-të kampionale.
Golat e përmbysjes për Lazion erdhën nga, Sergej Milinkoviq-Saviq dhe top sulmuesi i kësaj skuadre, Ciro Immobile.
Ky i fundit u largua nga fusha në minutën e 84-të dhe në vend të tij u inkuadrua sulmuesi i Përfaqësueses së Kosovës, Vedat Muriqi.
Lazio ndodhet në pozitën e shtatë me 34 pikë dhe ndeshjen e radhës e luan në “Olimpico” përballë Cagliarit.
