Prishtina ka arritur ta fitojë Superkupën e Kosovës në Antalya, pasi ka mposhtur kampionin në fuqi Dritën me rezultat 3-1.

Ndeshja nisi për mrekulli për Prishtinën që në minutën e dytë gjetën golin e epërsisë.Ishte minuta e dytë e ndeshjes, kur Endrit Krasniqi asistoi bukur në zonë dhe Qëndrim Zyba shënoi për 1-0.

Megjithatë gëzimi i kryeqytetasve nuk zgjati më shumë se gjashtë minuta kur Kastriot Rexha barazoi për Dritën pas gabimit të portierit Haxho 1-1

.Tempo e lojës ishte jashtëzakonisht e lartë ku bënte dy skuadrat të shfaqnin futboll cilësor.Në minutën e 20-të, Leonit Abazi u pengua në zonë nga Ardian Limani dhe gjyqtari turk akordoi penallti për Prishtinën.

I saktë nga pika e bardhë ishte mbrojtësi i djathtë Besnik Krasniqi që shënoi për 2-1.Me epërsinë prej një goli të Prishtinës 2-1 përfunduan 45 minutat e para të kësaj sfide.Edhe pjesa e dytë ishte fantastike me të dyja skuadrat që patën raste të mira shëni

mi.

Drita krijoi më shumë, por portieri i inkuadruar në lojë i Prishtinës, Ardit Nika ishte fantastik me disa pritje.Krejt në fund kur gjilanasit po kërkonin golin e barazimit, Prishtina gjeti edhe golin e tretë.Ishte sulmuesi i inkuadruar në lojë, Alban Shillova që realizoi për 3-1.

Vlen të theksohet se kjo ndeshje ishte historike për faktin që për herë të parë në histori të futbollit kosovar një finale zhvillohet jashtë shtetit.

ARTIKUJ TË NGJASHËMMË SHUMË NGA AUTORI