Memphis Depay ka thyer rekordin e Karim Benzemas te Lyoni, duke e kaluar në renditjen e top golashënuesve.
Lyoni shënoi fitore të pastër ndaj Strasbourgut me rezultatin 3-0. Kjo ndeshje u zhvillua të shtunën dhe ishte e vlefshme për javën e 24-të.
Depay shkëlqeu në këtë ndeshje duke shënuar dy gola dhe duke arritur kështu në shifrën e 67 golave për Lyonin në gjitha garat.
Reprezentuesi holandez kaloi sulmuesin francez, Karim Benzeman, i cili kishte shënuar 66 gola, dhe tani 26 vjeçari renditet i 16-ti.
Angel Rambert pozicionohet i 15-ti me 68 gola, kurse Nabil Fekir i 14-ti me 69 gola.
Golashënuesi më i mirë në histori te Lyoni është Fleury Di Nallo, i cili kishte shënuar 222 gola në 495 ndeshje. Di Nallo kishte luajtur te francezët gjatë viteve 1960 – 1974.
