Janë mësuar çiftet e çerekfinaleve të Kupës së Shqipërisë pas hedhjes së shortit në ambientet e stadiumit “Air Albania” në Tiranë.
Në fazën e çerekfinaleve do të kemi disa sfida tejet interesante, pasi do të përballen Laçi dhe Partizani.
Kampionia në fuqi e kësaj gare, Teuta, do të takohet me Kukësin, derisa ndeshje interesante pritet të jetë edhe ajo mes Laçit e Partizanit.
Çiftet për fazën çerekfinale në Kupën e Shqipërisë:
Laçi – Partizani.
Teuta – Kukësi.
Vllaznia – Korabi.
Dinamo – Skënderbeu.
Faza çerekfinale është caktuar të zhvillohet më 17 mars. Edhe në këtë faze zhvillohet vetëm nga një ndeshje, me fituesit që kalojnë direkt në gjysmëfinale.
