Stephan El Shaarawy është rikthyer në Serie A dhe do të luajë sërish me Romën, pas aventurës së tij në Kinë me skuadrën e Shanghai Shenhua. Sulmuesi italian ditën e sotme ka tërheqjen me diçka që nuk ka të bëjë me futbollin.
El Shaarawy ka ndihmuar në arrestimin e një hajduti. Rreth orës 17:00, teksa po shkonte drejt makinës së tij të parkuar në rrugën “Sudafrica”, ai pa një hajdut teksa thyente xhamin në krahun e pasagjerit prapa të mjetit lëvizës.
Ansa raporton se hajduti e kuptoi se ishte parë nga sulmuesi italian dhe u përpoq të arratisej. El Shaarawy e ndoqi këmba-këmbës hajdutin, i cili u kap nga dy policë civilë që ishin aty pranë. Sigurisht që veprimi i futbollistit i ndihmoi ata ta ndalonin keqbërësin.
