Napoli ka triumfuar ndaj Romës në kuadër të javës së 28-të në Serie A me rezultat 2-0.
Pas vetëm 27 minutash lojë, napolitanët kaluan në epërsi me anë të Dries Mertens.
Por, nuk vonoi shumë dhe mysafirët e dyfishuan rezultatin sërish me anë të belgut (34’), derisa Politano ishte në rolin e asistuesit.
Në 45 minutat e dytë, Roma tentoi të ngushtonte epërsinë, mirëpo ishte e kot.
Napoli ishte e vendosur mjaftë mirë në fazën defanzive, duke bllokuar sulmin e Giallorossëve.
Lorenzo Pellegrini lëshoi një gjuajtje të fuqishme në drejtim të portës së Napolit në minutën e 61-të, mirëpo ajo përfundoi vetëm jashtë portës.
Me disa zëvendësime, Paulo Fonseca shpresoi të rikthente gjërat në favor të skuadrës së tij, por sërish nuk rezultoi me sukses dhe rezultati mbeti 2-0.
Pas javës së 28-të, Napoli gjendet në vendin e pestë me 53 pikë, tre më shumë se Roma që gjendet në të gjashtin.
