Futbollisti i Përfaqësueses së Kosovës dhe skuadrës italiane Lazio, Vedat Muriqi, ka dhuruar mbi 2 mijë euro për pacientin e SMA-së, Ahmetin, në Turqi.
Këtë e bëri Muriqi përmes një videoje live në Instagram, teksa është përshëndetur edhe nga mediat në Turqi për veprimin e tij human.
Ai komentoi në video “400 balona janë edhe nga unë për vëllain tim Ahmet”, që në euro i bien diku rreth 2200.
Muriqi aktualisht është i përqendruar te Lazio, teksa brenda pak ditësh do të zbarkojë në Kosovë, për të nisur përgatitjet për ndeshjet e marsit.
