Lionel Messi është duke u akuzuar nga fansat për ‘humbjen’ e titullit të La Ligas pasi argjentinasi humbi një rast ideal kundër Granadas të enjten mbrëma.
Superylli argjentinas shënoi golin e parë në pjesën e parë në Camp Nou pas një asistimi të shkëlqyeshëm nga Antoine Griezmann.
Por, epërsia e Barcelonës u përmbys në pjesën e dytë pasi Darëin Machis dhe Jorge Molina shënuan për të marrë një fitore të bujshme 2-1 për Granada në “Camp Nou”.
Humbja e klubit spanjoll ka lënë të hapur garën për titullin në La Liga, ndërsa Barcelona mbetet dy pikë mbrapa liderëve të kampionatit, Atletico Madridit.
Para se Barcelona të shpërdoronte epërsinë e saj kundër Granadas, Messi pati një mundësi fantastike për të dyfishuar epërsinë e skuadrës së tij para mbylljes së pjesës së parë.
Messi arriti të mposhtë kurthin për pozitë jashtë loje me kontroll të shkëlqyeshëm të topit dhe doli i vetëm me portierin kundërshtar.
Por, gjuajtja e Messit ishte e pasaktë dhe doli jashtë portës.
Mundësia e humbur nga kapiteni u tregua e kushtueshme në fund, por disa tifozë kanë fajësuar Messin duke thënë se ky rast i humbur i kushton Barcelonës me humbjen e titullit kampion në La Liga.
