Reprezentuesi i Kosovës, Valmir Sulejmani, është transferuar tek ekipi i Bundesliga 2 të Gjermanisë, Ingolstadt nga Hannoveri.
Shuma e dëmshpërblimit nuk është bërë e ditur.
Sulejmani 25-vjeçar është ndarë i kënaqur me transferimin.
“Bisedimet me zyrtarët e klubit kanë qenë pozitive, tash po pres stërvitjen e parë me skuadrën. Jam i bindur nga kualiteti i skuadrës”, ka thënë Sulejmani, raporton faqja zyrtare e Ingolstadtit.
Sulejmani këtë edicion i ka luajtur katër ndeshje në Bundesliga 2, kryesisht si rezervist. Ai i ka luajtur tri ndeshje me Kosovën.
