Bayer Leverkuseni me vështirësi e ka mposhtur Eintracht Frankfurtin në shtëpi të shtunën me rezultatin 2:1. Ndeshja i takoi xhiros së shtatë të Bundesligës.
Në pjesën e parë të dyja skuadrat e realizuan nga një gol.
Vendësit kishin mundësinë që në minutën e nëntë të avanconin 1:0 por sulmuesi Victor Boniface e humbi penalltinë.
Nga penalltia shënoi Omar Marmoush në minutën e 16-të dhe e kaloi në epërsi Frankfurtin. Nëntë minuta më pas, vendësit i barazuan shifrat në 1:1.
Mesfushori gjerman Robert Andrich ishte realizatori i golit.
Boniface nuk gaboi në minutën e 72-të që e shënoi golin e fitores për Leverkusenin.
Granit Xhaka e kompletoi ndeshjen. Leverkuseni ka 14 pikë, kurse Frankfurti ka një pikë më pak.
