Milani ka marrë një fitore shumë të rëndësishme në shtëpi përballë Udineses, në sfidën e vlefshme për javën e 8 të Serisë A. Dueli i zhvilluar në “San Siro” përfundoi 1-0 në favor të vendasve.
Gjithçka nisi mirë për kuqezinjtë, ku pas një aksioni perfekt, Pulisiç asistoi për Samuel Chukwuezen, me këtë të fundit që dërgoi topin në fundin e rrjetës në minutën e 13. Por, vetëm 16 minuta më vonë, Milani mbeti me 10 lojtarë për shkak se mesfushori Tijani Reijnders u ndëshkua me karton të kuq.
Megjithatë, ky karton i kuq nuk ndikoi në rezultat, i cili mbeti i pandryshuar deri në fund. Me këtë fitore, Milani shkon në kuotën e 14 pikëve në vendin e 3, po aq sa Interi që renditet i dyti, por me një ndeshje më pak.
Në krahun tjetër, Udinese mbetet në vendin e 6 me 13 pikë të grumbulluara pas 8 javësh kampionat.
